Aýym

Aýym

I

Gijeler asmanda aýdyñ aýym sen,

Durmuşyma aýdyñ geljegim meniñ,

Bijeler dogry gelip, duşan taýym sen,

Gursagyma saldyñ diýjegim meniñ.

II

Allanyñ gudraty, gursaga duýgym özüñ,

Ömür manym, saýlan jenanym meniñ,

Bendisi men edebiñ, mylaýym sözüñ,

Kalp ynamym, söýen zenanym meniñ.

III

Tarypyña sözüm ýetmez gözel gyz,

Husny-jemaly aýa meñzän ýarym sen,

Kalbym diñle, ýok diýmede ozal gyz,

Bu ýalançy dünýäde ýürek barym sen.

IV

Kalbym içre sözler geçer setirime,

Galam ýürek dilim, duýgym eder beýan,

Ýönekeý sözüñ umyt berer ertirime,

Goşgy ýürek sözüm, söýgim eder aýan.

V

Dünýäme giñlik beren, duýgym oýaran,

Garañky kalbyma nurym, aýym sen,

Kalbyma wepa, biwepalardan goraýan,

Yşk okuny ýürege atan ýaýym sen.

01.04.2023.ýyl

Sagat: 23:39

Garlyýew Akmyrat Şyhmuradowiç

Hoşlaşyk

Dünýä poemasy

Dünýä poemasy

I

Zemin aýlanyp dur milliondyr ýyllar,

Geçip dur dynymsyz günlerdir-aýlar,

Döreýär kellede dürli pikir-hyýallar,

Adam biri-birine duşman bu döwür,

Janlary pida ederler, bihuda uruşlar.

II

Dünýäň ykbalyny çözse bir düwme,

Adalat üçin sen hiç kelläňi döwme,

Ýagşylyk etseňde hiç özüňi öwme,

Dünýä ýagşylardan dolsa ýagşy bor,

Adam adyň haklasaň bor panyda.

III

Allanyň gudraty bilen döredi dünýä,

Bu zemin, bu toprak ynsana görä,

Döwür däl adamlar üýtgedi göýä,

Kimsi baý, kimsi gedaý dünýede,

Adam adyn götermesi kyn dünýe.

IV

Bir çaga mähire zar, biri çörege,

Kim diri ýetim, kimsi doly ýetim,

Dertlerimiz ejir bererler ýürege,

Sözler bilen ýeňletmekdir niýetim,

Çäresize jebir bolan bu dünýe.

V

Dillerde zäher kän, ajy sözler kän,

Bu ajy sözleri ilki döreden kimkän?!

Olarsyz bu dünýe ýeňlärmikän?!

Megerem bolmazdy uruş-dawalar,

Göwünde kine, bolmazdy aldawlar.

VI

Çingiz han gylyjy gana bulanan dünýe,

Ynsanlar belki kör, bakmazmy düýne?!

Dünýä öwrülse adamyň bagtly öýüne,

Bolmazdy bigünä giden janlar, pidalar,

Döremezdi belkide ýürekde daglar.

VII

Birine pul gerek, birine bolsa saglyk,

Aýdyň hany olaryň haýsysy agdyk?!

Dünýä kime barlyk, kimelere darlyk?!

Kagyzlar soltan bolan bu garyp dünýe,

Soňky dem geleninde düşüner hemme.

VIII

Bir ýerlerde toý tutulýandyr uludan,

Bir ýerlerde ýas, dem alynýar uludan,

Iki günlük dünýe doly puluň gulundan,

Hasrata baý, ejizlere ýük bolan dünýe,

Aýt haçan bir gün deňlik bolar sende?!

IX

Afrika suwa zar, kesel janlar dermana,

Kim gol çeker dynçlyk diýen permana?!

Deňlik bilen dokluk galmasady armana,

Bolmazdy gaýgy-gamlar belki dünýede,

Deňlik bilen dokluk bolardy belki-de.

X

Hasyl alsam, hasylymy gysgansam,

Belkem dar gursaklykdan gysylsam,

Bir gysym gumy göze guýup doýsam,

Açgözlük duýgusyn dünýeden ýitirsem,

   Razy bordum özümden hem dünýeden.

XI

Ýüregimde umyt bolsun her ir säher,

Daş bolsun kalbyma gazapdyr-gahar,

Ajy sözler köňüllere misli bir zäher,

Ýagşy sözler çykýarmykan ýürekden?!

Awunar kalp, melhemlere zar dünýe.

XII

Taryhda sahypa kän açyp okap otursaň,

Ýüregimde bir sorag otursam-tursam,

Deňlik bolarmy bu dünýede ahyrsoň?!

  Ne peýda bar sözlerden gala gursam?

Okan bolarmy bu dünýäden gidensoň?!

XIII

Kimler dünýäni ele almak isledi,

Kimiň bolsa dünýe gezmek islegi,

Kimiň bolsa azat bolmak dilegi,

Ynsanlary göterdiň sen goja dünýe,

Ynsanlar seni hiç söýmezmi dünýe?!

XIV

Döwür ösdi, ganatlap asmana uçarlar,

Dürli ýaraglary oýlap tapar alymlar,

Duşman bolar indi biri-birine doganlar,

Agzybirlik haçan bolar dünýede?

Azalýarmy? Ýa artýarmy zalymlar?!

XV

Seretdim aýnadan düýnümi gördüm,

Ezildim, gynaldym, ýandym-söndüm,

Sebäp ilki beren sözümden döndüm,

Ýakmakçydym düzenlerim birmahal,

Ýöne sözler gursakdan çykasy gelýär...

XVI

Epidemiýa elhençmi ýa ýüreksiz adam?

Taryhda galypdyr ganly dereksiz adam,

Ady galan känmi ýa ýitenlermi hasam?

Belli bir sany barmy gidenleriň aradan?!

Dilegim zalymdan özüň gora Ýaradan.

XVII

Bir bulgur şerapmy dertleriňi ýeňleden,

Niçüýn nalaýaň kän zat gelse eliňden?

Hergiz güýjüň gaçmasa bor biliňden,

Şükür eýläp razy bolsaň iliňden,

Ynsan adyň haklasaň bor panyda...

XVIII

Ak öýde perman çykar dünýä barada,

Iki bölege bölüner ýene bu goja zemin,

Hiç yzy üzülmez dawalardyr iki arada,

Bombalardan halas edermi ýerzemin?!

Baky ýitermi ýowuz uruşlar aradan?

   XIX

Ýüz milliony pida edip iki jahan urşuna,

Näme gazandyk bu ýalançy jahanda?

Zemin döräp duşmançylyk durşuna,

Dostluk haçan bolar baky panyda?!

Bakylyk ýok, wagtlaýyn synag dünýe...

   XX

Isgendermi? Napoleonmy? Sezarmy?

Kim ele aldy seni diňe ýaşamak üçin?

Höküm süren kän, uruşlara zarmy?

Soraglar doly, jogaplary ýok göýä,

Ejizlere dar, zalymlara giň dünýä.

     XXI

Baky ýitmese baky göreşmek gerek,

Durmuş göreş, nalamakdan ýok derek,

Günler geçer, garaşmaklyk biderek,

Söweşler kän, ýitgilere baý dünýä,

Sen bir kitap, ganly sahypa göýä.

XXII

Asyrlaram geçip gider otly mysaly,

Öz gezeginde çalyşyp dört pasyly,

Iň soňy alynar eden işleriň hasyly,

Bolmasyn ahmyr, galmasyn arman,

Goý, paharat hem rahat bolsun dünýä!

06.01.2023.ýyl

Sagat: 18:03

Garlyýew Akmyrat Şyhmuradowiç

 

Degmez

Degmez

Bütin ömür ýygnan malu-döwletiñ,
Gideniñde bir gysym guma degmez,
Bakylyk ýok, bardyr ömür möhletiñ,
Günäler kändir, kimler juma gelmez.

Gazanan abraýyñ, hormatyñ, adyñ,
Döwen bir kiçijek göwnüñe degmez,
Duşman kändir, dostlar eşitmez dadyñ,
Ýalan sözleñ beren öwdüñe degmez.

Garry daglar baýyrlara başyny egmez,
Beýiklik pälidir, pese seretmez,
Halal ynsan hiç haramyñ aşyny iýmez,
Diýerlik dälidir, söýse terk etmez.

Dostlar azdyr, duşman daşyñda gurtdyr,
Mertlik bir polatdyr, ownap döwülmez,
Içki arman damagyñda bir ogurtdyr,
Gussa-gamlar şatlyk-şowhuna öwrülmez.

Baýlaryñ bagty garybyñ göz ýaşyna degmez,
Näçe ynsan çäresiz, aýdyr-günleri geçmez,
Näçe gözeller söýeniñ göz-gaşyna degmez,
Ýürekden söýenler özgäni saýlap seçmez.

Çaganyñ gülküsi deý bagtda ýokdur,
Perzent söýmek bagty uly eşretdir,
Deýdiniñ ülkesi şa tagtda ýokdur,
Her bir geçen güni uly hesretdir.

Hiç bir zat ata-ene beren mähire degmez,
Orny dolunmaz giden uly boşlukdyr,
Gadyr bilmez ýetimiñ ahyna degmez,
Ata-eneñli her gün göwün hoşlukdyr.

Arzuw-umyt ýaşadýandyr her adamy,
Umydy ýok toprakda mazara degmez,
Arzuw-umyt aşdyrýandyr her gadamy,
Umydy ýok toprakda yzlara degmez,

Nebsini bilmedik doýmany bilmez,
Açlyk dok sözüniñ harpyna degmez,
Nokady bilmedik goýmany bilmez,
Käbir sözler birje pähime degmez.

21.05.2023.ýyl
Sagat: 05:22
Garlyýew Akmyrat Şyhmuradowiç

  

Sahypalar

Gözel mugallym

 

Gözel mugallym

I

Edep-terbiýäni öwreden bize,

Eziz mugallymym, harpy öwreden,

Harplykdan başladyň öwredip bize,

Hormatly hem eziz Gözel mugallym.

II

“A” harpyny ilki öwreden maňa,

Dilime söz beren eziz mugallym,

Bir ömür okuwçyň bergidar saňa,

“Z” harpyna çenli okanam bolsam.

III

Ýazmany öwreden, diňe bir harpy däl,

Şu goşgymy seniň diliňde düzdüm,

Öwrenen terbiýäm hem sözüm bilen,

Minnetdar bir ömür Gözel mugallym.

IV

Mugallym waspyna sözlerem ýetmez,

Waspyna ýetmek ajap sungatdyr,

Mugallym keşbi hiç gözüňden gitmez,

Kalbyňa çekilen ajap suratdyr.

V

Mekdep ýyllaryna dolansam ýene,

Islärdim täzeden okuwçyň bolmak,

Bir ömür okuwçyň bolup galaryn,

Ullakan söýgüdir mugallym bolmak!

13.09.2017.ýyl

Sagat: 2:09

Garlyýew Akmyrat Şyhmuradowiç

Baharymyň bezegi

Uzak bolsun ömrüň, garrama hijem.

Gözellikler ejiz geler seniň öňüňde,

Bahar ajaýyp seniň doglan günüňde,

Pasyllar soltany baky baharym Ejem.

Ýazlaryma ýaz sen, sazlaryma saz,

Dilimde baky sena, damarda ganym Ejem,

Seniň waspyň etsem maňa ýene az,

Janyndan jan beren jigerde-janym Ejem.

Elli dokuzynjy baharyň mübärek bolsun!

Goý, hiç haçan gamlar gapyň kakmasyn,

Ömrüň uzak, belent başyň dik bolsun!

Gaýga ulaşyp gözden ýaşyň akmasyn.

Baharymyň bezegi, göreji gözlerimiň,

Bereket ojaga, dilegim-dogam Ejem,

Ylhamy-manysy döreden sözlerimiň,

Sözlände zybana ilkinji sözüm Ejem.

24.03.2023.ýyl

Sagat: 22:57

Garrama eje

Garrama eje

Dünýä näçe asyrlar eje jan berip gelýär,

Garrama eje, howlukma, kän wagt bar.

Duýýan bagty sen bagryňa basaňda,

Aladalar galsyn, egilmesin arkaňda,

Garrama eje, goý başgalar garrasyn…

Dünýä gelip ilki görenim sensiň,

Mähriňi kalbyma baky siňdirensiň,

Aglanymda ýaşlarymy diňdirensiň,

Hiç daralma, hiç garrama ejejan.

Bu zemin üstünde parahat gezseň,

Şatlykdan nur seçip, bagtdan gülseň,

Artykmaç baýlyklar maňa gerek däl,

Ýeter indi, hiç garrama ejejan!

Ýyllar geçse geçsin, aýlanyp gitsin,

Gaýgy aladalar sowulyp geçsin,

Ýüzüňde ýylgyryş! Ýygyrtlar ýitsin,

Dünýe garrasyn, sen garrama ejejan!

03.01.2022.ýyl

Sagat: 19:37

Garlyýew Akmyrat Şyhmuradowiç

Doganyma...

Näçe igensemde, käýesemde saña,

Her gije ýatanda señ dilegiñ edýän.

Aç bolsam doklugym, ruhy şatlygym,

Enem deý bir ömür hossarym sensiñ,

Bu goja dünýede sen ýeke barlygym,

Imanym, abraýym, rysgalym sensiñ.

Hassa bolsam halyma seretjek her dem,

Şat bolsam şatlygym, unudylar derdem,

Arassa howam hem ak asmanym sensiñ,

Bir enäñ süýdün emen bir beden, bir dem.

Mizemez bir giñlik sen daralsa dünýäm,

Tükünmez ýagtylyk sen garalsa dünýäm,

Düzen her setirime ylham çeşmesi sensiñ,

Ýitmez bir bakylyk sen, ýarylsa dünýäm.

(Sebäp: Baky soñsuzlyk sen meniñ ömrüme)

28.11.2018.ýyl

sagat: 3:49

Garlyýew Akmyrat Şyhmuradowiç

Söýgi oýun däldir!

Bir söz kemlik edýär waspyn edere,

Söýgiñ ugrunda niçe aşyklar köýdi,

Mährine çoýýan bir güneşdir söýgi!

Irdenki gelin salamy, eneleñ gülküsi,

Çagalañ sesleri, guşlañ saýraýşy,

Zeminde dörän ajap gözelleñ ülkesi,

Söýgi duýgyñ kalbyñ içre ýaýraýşy!

Dörän we indi dörejek liriki setir,

Sungat bilen galam, zemin we ak aý,

Täsin hem bir ajap şatlykly ertir,

Daglaryñ jereni, kemançy we ok ýaý!

Dowamy-dowamdyr, bu bir tebigat,

Her kimiñ özüniñ ýeke söýgüsi bar,

Söýgi oýun däldir, dörän bir sungat,

Her kimiñ özüniñ bir hekaýasy bar.

6.11.2018.ýyl

Sagat: 4:12

Garlyýew Akmyrat Şyhmuradowiç

Спасибо, папа!

Спасибо, папа! За то что ты рядом,

Был примером и будешь им всегда,

Подарил мне жизнь, ты мой дом!

В моём сердце останешься навсегда.

Никогда не сказал как правильно,

Ты показал это своими поступками,

Ребёнок не слушается, видить только,

До тех пор пока он не взрослеет.

Я перед тобой в долгу всю жизнь,

Не с деньгами, а за свою жизнь,

Спасибо, папа! Ты дал мне больше,

Чем я заслужил это и ожидал...

Ты молчал, оставался каким и был,

Я наверное совершал много ошибок,

Ты остался рядом, простил и забыл.

Спасибо, папа! За заботу, за воспитание...

Мечта у каждого разная, и путь свой,

Этого не достаточно чтобы стать человеком,

Возможно ты взрослый, но отец твой,

Отдал свои годы, пусть век за веком...

Он любит тебя без всяких вопросов,

Рядом, всегда, если стал настоящим отцом,

Спасибо, отец! Не могу найти слов,

Чтоб сказать и хочу быть достойным сыном.

25.10.2018.г

Время: 3:03

Гарлыев. А. Ш

Ты мой медальон

Тсс! молчи, не нужно слов,

Только послушай меня милая!

И не задавай глупых вопросов,

Теперь я рядом, только ты и я!

Я в твоих мыслях сейчас, не только,

Твоё сердце бьётся внутри меня,

Не скажу как ты дорога и насколько,

Когда чувствую нежность без поцелуев...

Тсс! не нужно сейчас волноваться,

Я дам тебе настоящую свободу,

Я искренен, не нужно бояться,

И твоё сердце чувствует правду!

Ты мой медальон, вздох моего сердца,

Драгоценная моя, настоящая любовь,

Я буду всегда улыбкой твоего лица,

Чтоб ты почувствовала любовь вновь...

21.09.2018.г

время: 3:19

Гарлыев. А

Pul

Tupak Şakur

Seniñ.....

Durmuşym gözel däl

Sorama menden

Elegiýa

Bir gün gar ýagar,

Saçlaryň eziler,

Köňlüňem aglar,

Ýekelik derdini,

Çekip gijeler,

Meniň sözlerimi,

Eşdesiň geler,

Ýöne gürlemerin,

Dymaryn läläm,

Ýöne gürlemersiň,

Duýaryn läläm.

Uzak aýralykdan ýanan ýüregi,

Duýmak üçin saňa gerek däl sözüm,

Uzak aralykdan gelen söýgiňi,

Duýmak üçin saňa gerek meň gözüm.

Sözlerim undarsyñ, hatlarym ýyrtyp,

Birwagtlar köñlüñ aglar mensiz,

Gözlerim duýarsyñ, aglanyn görüp,

Käwagty men aglaryn sensiz.

Daşarda gar doñar, suwlaram doñar,

Emma welin gyzgyn pejiñ ýanynda,

Men barada eden pikirleñ doñar,

Men ýaşaryn başga gyzyñ ýanynda.

Gaýgyly hatymy okamarsyñ sen,

Aglap gözleriñden ýaşlaryñ akar,

Gaýgyly halymy duýmarsyñ sen,

Dymyp sözleriñem ýüregiñ ýakar.

Sensiz gijelerde çeken derdimi,

Duýarsyñ ýekelik derdin çekende,

Mensiz gijelerde çeken derdiñi,

Duýaryn bagyşla hatyñ gelende.

9.02.2016.ýyl

Sagat: 12:17

Stoluñ ütünde

Ömür agajy