Garrama eje
28. Январь, 2024 в 2:28,
Нет комментариев
Garrama eje
Dünýe näçe asyrlardyr aýlanyp gelýär,
Bu ýalançy dünýede bir hakykat bar,
Dünýä näçe asyrlar eje jan berip gelýär,
Garrama eje, howlukma, kän wagt bar.
Dünýe ýagty sen ýylgyryp bakaňda,
Duýýan bagty sen bagryňa basaňda,
Aladalar galsyn, egilmesin arkaňda,
Garrama eje, goý başgalar garrasyn…
Dünýä gelip ilki görenim sensiň,
Mähriňi kalbyma baky siňdirensiň,
Aglanymda ýaşlarymy diňdirensiň,
Hiç daralma, hiç garrama ejejan.
Bu zemin üstünde parahat gezseň,
Şatlykdan nur seçip, bagtdan gülseň,
Artykmaç baýlyklar maňa gerek däl,
Ýeter indi, hiç garrama ejejan!
Ýyllar geçse geçsin, aýlanyp gitsin,
Gaýgy aladalar sowulyp geçsin,
Ýüzüňde ýylgyryş! Ýygyrtlar ýitsin,
Dünýe garrasyn, sen garrama ejejan!
03.01.2022.ýyl
Sagat: 19:37
Garlyýew Akmyrat Şyhmuradowiç