Sahypalar

I

Damarymda aýlanýarka gyzgyn gan,

Durmuş atly sahypalam dowamdyr,

Bilmen ne garaşýar ömrüň yzyndan,

Eserlerim alýan demim-howamdyr.

II

Pelsepe berilse durmuş ylhamym,

Sözlerimde jemlenen bir surat özüm,

Herne taryh bolsa baky yhlasym,

Tankytdan üstün gelse gurat sözüm.

III

Synaglar öňümde, dowamly durmuş,

Sagatlar aýanok ömrüň gädip dur,

Dertler hanjaryny ýürege urmuş,

Bilmerin çepimde ýürek nädip dur?!

  IV

Söýgim ýüregimde sen armanym,

Haýsy ýollar dogry, haýsy nädogry?

Köýgim ýüregimde ýok dermanym,

Kimi dogry, kimler kalbyňda ogry.

V

Geçilen ýollarda galsada bir yz,

Ýanan kalba melhem ýok ýaly,

Geçmişdir, ýüregim alsada bir gyz,

Dymýan indi ylham ýok ýaly...

VI

Dost ýerinde dost, ýar ýerinde ýar,

Ýaradan Allahym ýokdur nalyşym,

Kynçylykly durmuşyma wepadar,

Dostumdan aýyrma ýeke haýyşym.

VII

Galamym döwülmez almaz mysaly,

Hem syrdaşym, hem ýoldaşym baky,

Üzülmez bir kagyz we galam wysaly,

Dörär sahypalar ýürekde ömürbaky.

  21.05.2023.ýyl

Sagat: 03:29

Garlyýew Akmyrat Şyhmuradowiç