Hoşlaşyk

I

Gijeler umytsyz geçer giderler,

Biz indi birek-birege ýat borus,

Gör kimler bize kömek ederler?!

Niçik bir-biregi ýat edip ýörüs...

II
Aramyzda ýokdy hiç öýke-kineler,

Bardy diňe ýaşlyk duýgy köňülde,

Suratlaram, geçen günem köneler,

Bir ömürlik sorag borsuň öňümde.

III

Keşbiň bir ajaýyp surat mysaly,

Galar göz öňümde armanly bolup,

Sowuk maňa yssy tomus pasyly,

Galarsyň pikirde dumanly bolup...

IV

Hoşlaşyk agyrmy ýa-da unutmak?

Ýürek bäs gelermi köňül derdine?!

Kime ýüzlenmeli? Ýeňil ýudunmak,

Dertlerimiz ýük bolarmy gerdene?!

V

Hoşlaşyk nokatmy duýgularyma?!

Unutmagy başararmy indi bu ýürek?

Ne bolsa-da çäresiz gaýgylaryma,

Hoşlaşmak, unutmak, sönmek gerek...

29.01.2023.ýyl

Sagat: 16:07

Garlyýew Akmyrat Şyhmuradowiç