Ýürekden söýenim, meniñ dilberim,
Aşyk boldum men, seniñ bakyşlaryña,
Bagyñda bilbil men saýrar dillerim,
Yşgymyñ odunda, ýanýan ýakyşlaryña.
Mähirli sözleriñ, ýakyşyñ seniñ,
Mähirli gözleriñ, bakyşyñ seniñ,
Duýgularym ýüregimde joşduryp,
Täsirli näzleriñ, duýgulañ seniñ.
Bagşymy men ýa-da sazyñ aşygy?
Şahyrmy men ýa-da sözüñ aşygy?
Bilbilmi men ýa-da gülüñ aşygy?
Men seniñ ýanyñda bary şularyñ.
Waspyñy edeýin, galam elimde,
Waspyñy edeýin kagyz öñümde,
Seniñ waspyña ýetip bilmesem,
Bitmez ýara, ünji galar köñlümde.
Kalbymyñ joşguny, duýgusy sensiñ,
Deñzimiň tolkuny, ýelkeni sensiñ,
Yşgymyñ açylan gül-gunçasy sen,
Ömrümiñ manysy, geljegi sensiñ.
Ýürek telwas eýlär adyñ tutanda,
Sürsek döwran, söýgiñ tagtynda,
Seniñ bilen geljegimize bakan,
Çapyp gitsek bile bagtyñ atynda.
Garlyýew Akmyrat
05.05.2016.ýyl
Sagat: 10:43